শেষ মিনিটৰ গ’ল

১৯৯৮ৰ বিশ্বকাপ৷ কোৱাৰ্টাৰ ফাইনেল৷ প্ৰতিদ্বন্দ্বিতা কৰিছে আৰ্জেণ্টিনা আৰু নেদাৰলেণ্ডছে৷ প্ৰথমাৰ্ধত উভয়ে এগ’লকৈ দিয়াত স্ক’ৰ লেভেল হৈ আছিল, ১-১৷ তেতিয়া আমি খেলখনৰ ৮৯ মিনিটত৷ হৈ-চৈ চলি আছে৷ নেদাৰলেণ্ডছৰ Dennis Bergkampৰ ভৰিত বল৷ এজন সুদক্ষ বল নিয়ন্ত্ৰক হিচাপে Bergkampৰ পৰিচয় আছে৷ বাকী খেলুৱৈৰ মূৰৰ ওপৰেৰে তেওঁ প্ৰায় ৫০মিটাৰ দীঘলীয়া পাছ এটা দিলে সতীৰ্থ Frank de Boerলৈ৷ Boerৰ সন্মুখত আৰ্জেণ্টিনাৰ ডিফেণ্ডাৰ Roberto Ayal৷ তৎমুহূৰ্ততে সকলোকে অবাক কৰি Boerৰে বলটোত কোবেৰে এনেকুৱা এটা শ্বট দিলে যে আৰ্জেণ্টিনাৰ গ’লকীপাৰ Carlos Roaক পৰাভূত কৰি মুহূৰ্ততে সি নেট কঁপাই তুলিলেগৈ৷ গ’..অ’..অ’..ল৷ শেষ মিনিটৰ গ’লটোৰে নেদাৰলেণ্ডছে প্ৰৱেশ কৰিলে ছেমিফাইনেলত৷ আৰ্জেণ্টিনাৰ বিদায়৷ অস্তিত্বৰ প্ৰশ্নত সেই খেলখনত উভয় দলৰে তিনিজনকৈ খেলুৱৈয়ে হালধীয়া আৰু একোজনকৈ খেলুৱৈয়ে ৰঙা কাৰ্ড পাইছিল৷ হ’লেও বিশ্বকাপৰ বুৰঞ্জীত সেই গ’লটো ৰৈ গ’ল শেষ মিনিটৰ গ’ল হিচাপে৷