ঘটনাটো মনত আছে চাগৈ 

খেল চোৱাসকলৰ

ফ্ৰান্সৰ এজন মহান ফুটবলাৰ Zinedine Zidane৷ ২০০৬চনৰ বিশ্বকাপৰ শেষ খেলখনত অতিৰিক্ত সময়ৰ শেষৰ ফালে ১১০মিনিটত ইটালীৰ ডিফেণ্ডাৰ Marco Materazziৰ বুকুত মূৰেৰে এনে এক প্ৰচণ্ড আঘাত কৰিলে যে বেচেৰা Materazzi ধাচকৈ মাটিত পৰি গ’ল৷ ৰেফাৰীও ৰৈ নাথাকিল৷ লগে লগে Zidaneক ৰঙা কাৰ্ড৷ ৰঙা কাৰ্ড খাই খেলপথাৰৰ পৰাতো বাহিৰেই প্ৰফেচনেল কেৰিয়াৰো সামৰিব লগা হ’ল Zidaneই৷

ভিডিঅ’ ক্লিপিঙে এইটো স্পষ্ট কৰিছিলযে হয়, Materazziয়ে Zidaneক ঠাট্টাসূচক কিবাকিবি কৈ ঘনে ঘনে উচতাইছিল৷ খেলৰ ৭মিনিটতে ফ্ৰান্সে যিটো পেনাল্টি লাভ কৰিছিল তাত বিতৰ্কৰ সূচনা হৈছিল৷ পেনাল্টিটো কাৰ্যকৰী কৰিছিল Zidaneই৷ ১৯মিনিটত Andrea Pirloৰ কৰ্ণাৰ কিকৰ পৰা অহা বল পাই Materazziএ ইটালীৰ হৈ সমতা স্থাপন কৰিছিল৷ পিছত পেনাল্টি শ্বুট আউটৰ সহায়ত ফলাফল নিৰ্ণয় কৰা হয়৷