Vanishing spray
প্ৰথমবাৰৰ বাবে প্ৰয়োগ কৰা হ’ব ব্ৰাজিল বিশ্বকাপত
নিয়মমতে এটা পক্ষই ফ্ৰি কিক মৰাৰ সময়ত পাতি লোৱা
বলটোৰ পৰা বিপক্ষ দলৰ খেলুৱৈসকলে এটা নিৰ্দিষ্ট দূৰত্বত অৱস্থান কৰিব লাগে৷ কিন্তু
বহু সময়ত দেখা যায়, খেলুৱৈসকলে নিয়ম ভংগ কৰি বলৰ দিশে আগ বাঢ়ি যায়৷ কিক লওঁতাজনে আপত্তি
দৰ্শায়৷ ৰেফাৰীয়ে তেওঁলোকক আঁতৰাব লগা হয়৷ ফলত সৃষ্টি হয় বিশৃংখলতাৰ৷ লগতে খেলৰ সময়
নষ্ট৷ ব্ৰাজিল বিশ্বকাপত তেনে পৰিস্থিতি শাম কাটিবৰ বাবে ৰেফাৰীয়ে ব্যৱহাৰ কৰিব
Vanishing spray৷ কঁকালৰ খাপত বিশেষ পাত্ৰত সুমুৱাই ৰখা ই এবিধ বিশেষ ধৰণৰ পদাৰ্থ৷
এই পদাৰ্থ biodegradable যাক ছটিয়াই দিয়াৰ এক মিনিটৰ পিছতেই নিজে নিজে নোহোৱা হৈ যায়৷
খেলপথাৰতো ইয়াৰ কোনো অৱশেষ ৰৈ নাযায়৷ Vanishing sprayৰ সহায়ত ৰেফাৰীজনে বলৰ স্থানত,
য’ৰ পৰা কিকটো ল’ব লাগিব, তাত এটা চিহ্ন আঁকিব৷
তাৰ পিছত নিৰ্দিষ্ট দূৰত্বলৈ গৈ য’ত বিপক্ষৰ খেলুৱৈসকল ৰোৱা উচিত, তাতো এটা চিহ্ন আঁকি দিব৷
এই চিহ্নক কোনেও অৱমাননা কৰিব নোৱাৰিব৷ তাৰ পিছতেই তেওঁ নিজৰ অৱস্থানত ৰৈ হুইছেল বজাই
ফ্ৰি কিকটো মাৰিবলৈ সংকেত দিব৷ অলপ পিছতেই এই ৰেখা নিজে নিজেই নোহোৱা হৈ যাব৷ ফুটবলত
শৃংখলাবদ্ধতা বজাই ৰাখিবৰ বাবেই এনে ব্যৱস্থা প্ৰথমবাৰৰ বাবে প্ৰয়োগ কৰা হ’ব আগন্তুক ব্ৰাজিল বিশ্বকাপত৷
No comments:
Post a Comment