পিট্চত প্ৰস্ৰাৱ কৰি জয়ৰ আনন্দ ল'লে ইংলিছ
ক্রিকেটাৰে...
(আমাৰ অসম, ২৭আগষ্ট, পৃষ্ঠা ১১)
সদ্যসমাপ্ত এছেজ শৃংখলাত ইংলেণ্ডে চিৰন্তন প্ৰতিদ্বদ্বী
অষ্ট্ৰেলিয়াক ৩-০ত হৰুৱালে৷ অভেলত অনুষ্ঠিত পঞ্চম তথা অন্তিম টেষ্টমেছখন কম পোহৰৰ বাবে
ড্ৰ ঘোষিত হয়৷ পাঁচখনীয়া চিৰিজটো অন্ত পৰাৰ পিছতে জয়োল্লাসত মতলীয়া হৈ পৰে ইংলিছ ক্রিকেটাৰসকল৷আৰম্ভ
হয় বিজয় উৎসৱ, খেলপথাৰ পৰিভ্ৰম, সমৰ্থকৰ অভিবাদন গ্ৰহণ ইত্যাদি৷ তাৰ মাজতে ইংলেণ্ড দলৰ খেলুৱৈ
কেভিন পিটাৰছেন,
জেমছ এণ্ডাৰছন আৰু ষ্টুৱাৰ্ট ব্ৰডে উইকেটলৈ আহি প্ৰস্ৰাৱ কৰি বিজয়ৰ আনন্দ চূড়ান্তভাৱে
প্ৰকাশ কৰে৷
'ভদ্ৰলোকৰ খেল' ক্রিকেট৷ ইংৰাজসকলো হেনো স্বভাৱতে
অতি ভদ্ৰলোক৷ ভদ্ৰলোকৰ প্ৰতিনিধিসকলৰ এনে আচৰণৰ পিছত পৃথিৱীৰ চুকে-কোণে থকা অন্যান্য
ক্রিকেটাৰসকলে অনাগত দিনবোৰত 'জয়ী হোৱাৰ উল্লাস'টো কি ধৰণে প্ৰকাশ কৰে, সেয়া নিশ্চয়
লক্ষ্যণীয় বিষয় হৈ পৰিব৷
বাৰু কওকচোন, আনন্দ প্ৰকাশৰ এই 'নতুন সংযোজন'বিধক
আপুনি কি আখ্যা দিব বিচাৰে?
No comments:
Post a Comment