১.৯. আনন্দদায়ক বাৰ্তাটো...

পাছদিনাখন (২৭.১.২০) পুৱাতে ফে’চবুকত প্ৰম’ ভিডিঅ’টো দৃষ্টিগোচৰ হ’ল ৷

Promo video showing construction of Idu Mishmi traditional bamboo house from initial step to completion. Bamboo traditional house is been constructed to showcase the visitor's visiting Anini for upcoming ‘Reh’ festival celebration on February 1 to Febraury 3rd. Along with traditional house there are other build ups made of bamboo. Enjoy such other bamboo build ups during a festival visit.

চাই ভাল লাগিল ৷ এছ.এম.এছ.ত লিখিলোঁ... আপোনাৰ ভিডিঅ’টো চালোঁ ৷ Video dekha aap ka. Excellent working skill. Hoping to see that traditional house and place practically. Best wishes to everyone involved in the construction.

ইদু মিচিমি ডেকাশক্তিৰ নিৰ্মাণ-কুশলতা চাই তবধ নামানি নোৱাৰিলোঁ ৷ এনেকুৱা প্ৰৱণতা জাগিছে, বাঁহ-খেৰেৰে নিৰ্মিত পৰম্পৰাগত চাংঘৰ আৰু ঠাইখন নিজ চকুৰে এতিয়াই চাওঁগৈ যেন ৷
পুৱা ১০ বজাৰ ক্ষন্তেক পাছতে চ’ক’ তায়ুএ পঠোৱা এছ.এম.এছ. বাৰ্তা এটা পঢ়িবলৈ পালোঁ… I have booked your ticket for 31. Seat No. 2.

আনিনিলৈ ছুম’ত মোৰ চিট কনফাৰ্ম হ’ল তাৰ মানে ৷ তেওঁৰ অভিজ্ঞতা আৰু বিবেচনা অনুযায়ী ভাল চিট এটা ৰাখিবলৈ কৈছিলোঁ ৷ ৰাখিলে ৷ কাউণ্টাৰৰ নামটোও জনাই দিছে ৷

চ’ক’ তায়ুক ধন্যবাদ দিয়াৰ লগতে ছুম' কাউণ্টাৰৰ ফোন নম্বৰটো বিচাৰিলোঁ ৷ দিলে লগে লগে ৷ পাল কাউণ্টাৰৰ সৈতে যোগাযোগ কৰি জনাই দিলোঁ যে মই দূৰণিবটীয়া যাত্ৰী ৷ ৩০ তাৰিখে ৰ’য়িং পাম আৰু পিছবেলাহে পে’মেণ্টটো কৰিব পাৰিম ৷ চিটটো কাকো দি নিদিয়ে যেন ৷

হ’ব বুলি ক’লে সিটো মূৰে সঁহাৰি জনোৱা মহিলাগৰাকীয়ে ৷ বোধ হয় কাউণ্টাৰৰে কৰ্মচাৰী ৷ তেনেকৈ কোৱাতহে আশ্বস্ত হ’লোঁ ৷ চকুৰে নেদেখা দূৰত্বত পৰিস্থিতিয়ে বাধ্য নকৰক, চিটটো কেনেবাকৈ আনক দি দিব লাগিলে মোৰ আনিনি যাত্ৰাৰ মুদাই মৰিব ৷ স্বপ্নৰ অপমৃত্যু হ’বলৈ দিব নোৱাৰি ৷

নিশালৈ আমন্ত্ৰণমূলক প’ষ্ট এটা আহিল...

An invitation to Reh Festival, Anini. Feb 1st – Feb 3rd.

আকাশ আৰু পাহাৰৰ যুগলবন্দী দেখিয়ে গাটো সাতখন-আঠখন লাগি গৈছে ৷ (ক্ৰমশঃ)